Ulybrıtanııa Gazany qalpyna keltirý jóninde halyqaralyq konferentsııa ótkizedi

ASTANA. KAZINFORM — Ulybrıtanııa Gaza sektoryn qaıta qurý máselesin talqylaý úshin bıznes ókilderimen halyqaralyq konferentsııa ótkizedi.

Report agenttiginiń habarlaýynsha, bul týraly Ulybrıtanııa premer-mınıstri Keır Starmer keńsesiniń málimdemesinde aıtylǵan.

— Ulybrıtanııa anklavty qalpyna keltirý jáne qaıta qurý boıynsha úsh kúndik konferentsııa ótkizý arqyly Gazadaǵy beıbitshilik josparynyń kelesi kezeńinde jetekshi ról atqarady. Konferentsııaǵa Germanııa, Italııa, Saýd Arabııasy, Iordanııa jáne Palestına ulttyq bıligi sııaqty birneshe halyqaralyq seriktester, sondaı-aq jeke sektor men halyqaralyq damýdy qarjylandyrý baǵdarlamalarynyń, sonyń ishinde Eýropalyq qaıta qurý jáne damý banki men Dúnıejúzilik bank ókilderi qatysady, — delingen habarlamada.

Starmer keńsesi is-sharany soǵystan keıingi Gazany retteýge arnalatynyn aıtty.

— Sonymen qatar talqylaýlarda Palestına ulttyq bıliginiń transformatsııasyn qoldaýǵa baǵyttalǵan kúsh te qozǵalady. Qaıta qurý protsesin palestınalyqtar basqarady, al radıkaldy HAMAS qozǵalysy Gazanyń bolashaqtaǵy basqarýynda eshqandaı ról atqarmaıdy, — dep qosty Starmer keńsesi.

Buǵan qosa, brıtan bıligi osy aptada Gazadaǵy qaqtyǵysty sheshýge baǵyttalǵan jumys aıasynda Ulybrıtanııa Syrtqy ister mınıstri Ivett Kýper Londonda Iordanııanyń taq murager hanzadasy Hýseın bın Abdýllamen kezdesetinin habarlady.

Eske sala keteıik, Palestınany memleket retinde moıyndaǵan elderdiń qatarynda Ulybrıtanııa da bar.