Ulybrıtanııa Gaza sektoryndaǵy palestınalyqtardy kóshirý týraly usynysty qabyldamady
Ulybrıtanııa Syrtqy ister mınıstrligi palestınalyqtardy Gaza sektorynan tys jerlerge kóshirý týraly kez kelgen usynysty úzildi-kesildi qabyldamaıtynyn málimdedi, dep habarlaıdy Kazinform tilshisi.
«Gaza sektory okkýpatsııalanǵan Palestına terrıtorııasy jáne bolashaq Palestına memleketiniń bóligi bolady. Ulybrıtanııa palestınalyqtardy Gaza sektorynan tys jerlerge ornalastyrý týraly kez kelgen usynysty úzildi-kesildi qabyldamaıdy», - dedi sársenbide Ulybrıtanııa Syrtqy ister mınıstrliginiń ókili.
«Biz odaqtastarymyz ben seriktesterimizdiń Gaza sektory turǵyndarynyń ol aımaqtan májbúrli túrde kóshirilýine alańdaýshylyǵyn bólisemiz», - dep qosty ol.
Aıta keteıik, 3 qańtarda Izraıldiń Times of Israel gazeti úkimettik derekkózderge silteme jasap, Izraıldiń Gaza sektorynan palestınalyqtardy basqa elderge «erikti túrde» qonystandyrýmen aınalysyp jatqanyn habarlady.
