Ulybrıtanııa, Frantsııa jáne Germanııa Iranǵa qarsy sanktsııalardy qaıtarý protsesin bastady

ASTANA.KAZINFORM - Eýropalyq úshtik BUU Qaýipsizdik keńesiniń Tegeranǵa qarsy sanktsııalyq rejımin qaıtaratyn snapback mehanızmin iske qosatynyn málimdedi.

Ulybrıtanııa, Frantsııa jáne Germanııa (E3) syrtqy ister mınıstrleri beısenbi kúni BUU Qaýipsizdik keńesine hat joldap, Irandy 2015 jylǵy Birlesken jan-jaqty áreket josparynyń sharttaryn júıeli túrde buzdy dep aıyptady.

Málimdemede «2019 jyldan beri Iran azamattyq negizsiz joǵary baıytylǵan ýrandy jınaqtaýdy qosa alǵanda, óz mindettemelerin oryndaýdan júıeli túrde jáne ádeıi bas tartty» dep atap kórsetilgen.

Protsedýrany qoldaný 30 kúndik terezeni ashady, odan keıin ıadrolyq kelisimge qol qoıylǵanǵa deıin qoldanylǵan sanktsııalar qalpyna keltirilýi múmkin. Olar qarý-jaraq embargosyna, ballıstıkalyq zymyrandarǵa shekteýler men aktıvterdi toqtatýǵa qatysty.
snapback mehanızmi týraly buǵan deıin de habarlaǵan bolatyn.

— Iran MAGATE aldyndaǵy óz mindettemelerin oryndaýǵa qaıtyp oralmady jáne qolaıly dıplomatııalyq sheshimge qol jetkizý úshin qadamdar jasamady, — delingen mınıstrlerdiń hatynda.

Tegeran Eýropa elderiniń sheshimin «zańsyz jáne negizsiz» dep atady.

Abbas Aragchı Islam Respýblıkasynyń «ulttyq múddelerdi qorǵaý úshin proportsıonaldy sharalarmen jaýap beretinin» aıtqanymen, «Eýropa aldaǵy kúnderi bul qate qadamdy qaıta qaraıdy» dep úmittenetinin aıtty.

Eýropalyq dıplomattar tyǵyryqtan shyǵýdyń dıplomatııalyq jolyn izdeýge daıyn ekendikterin jáne Tegeranmen baılanystar úshin ashylǵan 30 kúndik terezeni utymdy paıdalanýǵa tyrysatyndaryn atap ótti. Eýropa Odaǵynyń Syrtqy ister jáne qaýipsizdik saıasaty jónindegi Joǵarǵy ókili Kaıa Kallas bul kezeńniń «saıası sheshim tabý múmkindigin beretinin» aıtty.

Al Iranda ıAdrolyq qarýdy taratpaý týraly kelisimnen shyǵýǵa shaqyrý jasalyp jatyr. Tasnim agenttiginiń habarlaýynsha, parlament eýropalyqtardyń áreketine jaýap retinde osyndaı sheshimniń jobasyn daıyndap jatyr.

Amerıka Qurama Shtattarynda, kerisinshe, E3 bastamasy quptaldy. Memlekettik hatshy Marko Rýbıo Vashıngtonnyń «ıadrolyq máseleni beıbit jolmen retteý úshin Iranmen tikeleı kelissózderge daıyn ekenin» atap ótti.

Sarapshylar Eýropanyń bul qadamy «qysym men qarsy sharalar tsıklin» týdyryp, Izraıldiń jazda Irannyń ıadrolyq nysandaryna jasaǵan shabýylynan keıin kelissózder protsesin odan ári qıyndatýy múmkin dep eskertedi.

Bir kún buryn Iran men «eýropalyq úshtik» arasyndaǵy kelissózder sanktsııa qaýpinen keıin tyǵyryqqa tirelgenin habarlaǵan bolatynbyz.