Ulybrıtanııa balalardyń áleýmettik jelilerdi paıdalanýyna tyıym salmaq

ASTANA. KAZINFORM — Ulybrıtanııa úkimeti kámeletke tolmaǵandardyń áleýmettik jelilerdi paıdalanýyna túrli shekteýler engizilgen basqa elderdiń tájirıbesin jáne onyń tıimdiligin zerttemek, dep habarlaıdy Reuters.

Bul taqyryp boıynsha keńester dúısenbi kúni, 19 qańtarda bastaldy, dep habarlaıdy Reuters.

Atap aıtqanda, brıtanııalyq úkimet ókilderi 2025 jylǵy jeltoqsan aıynda 16 jasqa tolmaǵan balalarǵa áleýmettik jelilerdi paıdalanýǵa tolyq tyıym engizgen Aýstralııaǵa barýdy josparlap otyr. Bul qadam balalardy onlaın keńistiktegi grýmıngten jáne býllıngten qorǵaý maqsatynda qabyldanǵan.

Aýstralııa álemde alǵash bolyp osyndaı qatań ári jappaı tyıym engizgen el atandy. Alaıda bul sheshimge birqatar ınternet-resýrstar, sondaı-aq birneshe jasóspirim sot arqyly qarsy shyqqan.

Ulybrıtanııa bıligi naqty qandaı jas shegin qarastyryp otyrǵany ázirge habarlanǵan joq.

Reuters agenttiginiń málimetinshe, brıtandyq konsýltatsııalar kún tártibinde áleýmettik jelilerdi paıdalanýǵa qoıylatyn shekteýlerden bólek, mektepterde uıaly telefondardy qoldanýǵa qatysty anaǵurlym qatań erejeler engizýdiń tıimdiligi de talqylanýyp jatyr.

Eske sala ketsek, byltyr Aýstralııa jasóspirimderdiń áleýmettik jelini qoldanýyna alǵashqy bolyp tyıym saldy. 

Al jýyrda, 15 qańtar kúni Aýstralııada jasóspirimderdiń áleýmettik jelilerdegi 5 mln akkaýnty óshirildi.