Ulybrıtanııa AQSh-qa Iranǵa qarsy óz Áýe kúshteriniń bazalaryn paıdalanýǵa kelisti
ASTANA. KAZINFORM — Buǵan deıin Ulybrıtanııa premer-mınıstr Kır Starmer AQSh-qa Kıprdegi Koroldik Áýe kúshteriniń bazalaryn paıdalanýǵa ruqsat berýden bas tartqan edi. Alaıda Irannyń jaýap soqqylarynan keıin sheshimin ózgertti, dep habarlady Ulybrıtanııa Úkimeti.
Kır Starmer Iran tarapynan artyp kele jatqan qaýipke qarsy áreket etý úshin Kıprdegi Koroldik Áýe kúshteriniń bazalaryn amerıkalyqtarǵa paıdalanýǵa ruqsat berý máselesinde óz ustanymyn túbegeıli ózgertti.
Jeksenbi keshinde jasaǵan málimdemesinde premer-mınıstr bul ruqsat «naqty shekteýli qorǵanys maqsattarynda» berilip otyrǵanyn atap ótti. ıAǵnı Irannyń jalǵasyp jatqan shabýyldary jaǵdaıynda Ulybrıtanııa men AQSh-tyń Taıaý Shyǵystaǵy odaqtastaryn qorǵaýdy kózdep otyr.
Bul sheshim qorǵanys mınıstri Djon Hılı Irannyń eki zymyrany brıtandyq bazalar ornalasqan Kıpr baǵytyna qaraı baǵyttalǵanyn málimdegennen keıin qabyldandy.
«Biz bul ótinishti qanaǵattandyrý týraly sheshim qabyldadyq. ıAǵnı Iran tarapynan búkil óńir boıynsha zymyrandyq soqqylardyń aldyn alý, jazyqsyz beıbit turǵyndardyń qaza tabýyna jol bermeý, brıtandyqtardyń ómirine tóngen qaterdi azaıtý jáne qaqtyǵysqa qatyspaǵan elderge soqqy jasalýyn boldyrmaý maqsatyn kózdedik», dedi Ulybrıtanııa premr-mınıstri óz málimdemesinde.
Alaıda buǵan deıin konservatorlar men reformıster Ulybrıtanııanyń AQSh-qa Koroldik Áýe kúshteri bazalaryn paıdalanýǵa ruqsat berýden bas tartýyn jáne qaqtyǵysqa tikeleı áreket etpeýin qatań synǵa alǵan edi.
Sonymen qatar bul sheshim Ulybrıtanııanyń birtindep keń aýqymdy qaqtyǵysqa tartylyp bara jatqany týraly alańdaýshylyqty kúsheıtýi múmkin. Keshe Kır Iran sońǵy bir jyl ishinde Ulybrıtanııa aýmaǵynda 20 qatygez shabýyldy josparlaǵanyn habarlady.
Degenmen Daýnıng-strıt AQSh-tyń Iranǵa qarsy eshqandaı shabýyldary brıtandyq bazalardan júzege asyrylmaıtynyn jáne Koroldik Áýe kúshteri shabýyldaýshy operatsııalarǵa qatyspaıtynyn naqty málimdedi.
Aıta keteıik, Áskerı operatsııanyń alǵashqy táýliginde Irannyń 1000-nan astam nysany joıyldy.
Al Donald Tramp Irannyń toǵyz áskerı kemesi joıylǵanyn málimdedi.