Ulybrıtanııa 14 jyldan keıin Sırııamen dıplomatııalyq qatynastardy qaıta ornatty
ASTANA. KAZINFORM – Ulybrıtanııa Sırııamen dıplomatııalyq qarym-qatynasyn 14 jyldan keıin qaıta qalpyna keltirdi, dep habarlaıdy Anadoly.
Syrtqy ister mınıstri Devıd Lemmı Sırııaǵa resmı saparmen bardy. Bul sapar Sırııada Asad rejımi qulaǵannan keıin, jeltoqsan aıynda júzege asty. Damaskide Lemmıdi Sırııa prezıdenti Ahmed ash-Shara qabyldady.
Kezdesýge Sırııanyń syrtqy ister mınıstri Assad Hasan Shaıbanı de qatysty. Suhbat barysynda Devıd Lemmı Ulybrıtanııanyń Sırııada qaýipsiz ári órkendegen qoǵam qurýǵa qoldaý bildiretinin aıtyp, eldegi ótpeli kezeń ınklıýzıvti bolýy qajet ekenin jetkizdi.
Mınıstr turaqty Sırııanyń Ulybrıtanııa úshin de mańyzdy ekenin atap ótip:
— Biz DAISh-tyń tolyq joıylǵanyna kóz jetkizgimiz keledi, sondaı-aq sırııalyqtardyń adam saýdagerleriniń qurbanyna aınalýyna jol bermeýimiz kerek, — dedi.
«Sırııalyqtardyń qol jetkizgen progresin óz kózimmen kórdim»
Ulybrıtanııa syrtqy ister mınıstri sondaı-aq eldegi gýmanıtarlyq máselelermen aınalysatyn «Aq kaskalar» ókilderimen kezdesti.
Lemmı bul jyly London Hımııalyq qarýǵa tyıym salý jónindegi uıymǵa 2 mıllıon fýnt sterlıng (shamamen 110 mıllıon lır) kóleminde kómek kórsetetinin málimdedi. Bul qarajat Asad rejıminen qalǵan hımııalyq qarýdy joıýǵa baǵyttalady. Sonymen qatar mınıstr áıelder eńbek etetin óndiris oryndaryna bardy.
Málimdemede Ulybrıtanııa Sırııadaǵy kommertsııalyq jáne gýmanıtarlyq qyzmetterge 94,5 mıllıon fýnt sterlıng (shamamen 5,1 mıllıard teńge) bóletini aıtylǵan.
— Asad rejımi qulaǵannan keıingi mınıstrlik deńgeıindegi alǵashqy saparymyz kezinde men sırııalyqtardyń óz ómiri men elin qalpyna keltirýdegi orasan jetistikterin óz kózimmen kórdim, — dedi Lemmı.
Ol Sırııamen dıplomatııalyq qatynastardy qaıta ornatý Ulybrıtanııanyń ulttyq múddelerine saı keletinin atap ótti.
— Bizdiń múddemiz — jańa úkimetti qoldaý, barlyq sırııalyq úshin turaqty, qaýipsiz jáne gúldengen Sırııa qurýǵa kómektesý, — dedi ol.
Aıta ketelik Tramp AQSh-tyń Sırııaǵa qarsy sanktsııalaryn alyp tastan edi.