Uly jeńis. 80 jyl kollektsııalyq monetalary aınalymǵa shyǵady
ASTANA. KAZINFORM — Ulttyq bank «Este qalatyn oqıǵalar men birtýar adamdar» serııasynan ULY JEŃІS. 80 JYL kollektsııalyq monetalaryn aınalymǵa shyǵarady.
Monetalar satýǵa shyǵarylatyn kúnge qatysty aqparat QUB resmı saıtynda qosymsha habarlanady.
ULY JEŃІS. 80 JYL kollektsııalyq monetalary týraly
ULY JEŃІS. 80 JYL monetalarynda Otan qorǵaýshylardyń erligi men janqııarlyq rýhyna degen tereń qurmettiń belgisi bar. Bul monetalar Jeńis týraly tarıhı oqıǵany máńgi este saqtap, óskeleń urpaqty otansúıgishtikke tárbıeleý maqsatynda shyǵarylyp otyr. Monetalar ataýly dataǵa arnalǵan mádenı ári tarıhı murany saqtaý jolyndaǵy umtylysty pash etedi.
Monetalarda erlikpen qaza tapqan qaharmandardy eske túsiretin máńgilik alaý kórinis tapqan. «80» sanyndaǵy oıý-órnek jeńis lentasyn beıneleıdi jáne ol Qazaqstan Respýblıkasynyń Memlekettik Týy elementterimen úndesetin stılde oryndalǵan.
Monetalar:
- altyn jalatylǵan 925 synamdy kúmisten jasaldy, massasy – 31,1 gramm, dıametri – 38,61 mm, túrli tústi baspa tehnologııasy qoldanylǵan, daıyndaý sapasy – «proof», nomınaly – 1 000 teńgelik, taralymy – 2 000 (eki myń) dana;
Nomınaly 1 000 teńgelik monetanyń beınesi
- nıbrass/neızılber qospalarynan (bıkolorly) jasaldy, massasy – 7,5 gramm, dıametri – 26 mm, daıyndaý sapasy – «uncirculated», nomınaly – 200 teńgelik, taralymy – 10 000 000 (on mıllıon) dana.
Nomınaly 200 teńgelik bıkolorly monetalar Qazaqstan Respýblıkasynyń aýmaǵynda qoldanysta bar monetalarmen birge erkin aınalymda bolady.
Nomınaly 200 teńgelik monetanyń beınesi
Kollektsııalyq monetalar eldiń búkil aýmaǵynda óziniń belgilengen qunyna saı tólemniń barlyq túri boıynsha qabyldanýǵa, sondaı-aq eldiń barlyq bankinde banktik shottarǵa esepke alynýǵa, aýdarýǵa, usaqtalýǵa jáne aıyrbastalýǵa mindetti.
Kollektsııalyq monetalar Qazaqstan teńge saraıynda daıyndaldy.
Aıta ketelik Ulttyq bank mamyr aıynda Ulttyq qordan 1 mlrd dollar satýy múmkin ekeni týraly jazǵan edik.