«Uly Jibek joly» týrnıri: Temirtas Júsipov fınalǵa shyqty

ASTANA. KAZINFORM – Ázerbaıjan astanasy Baký qalasynda ótip jatqan «Uly Jibek joly» halyqaralyq týrnırinde qazaqstandyq Temirtas Júsipov (48 keli) fınalǵa shyqty.

Qazaqstandyq bylǵary qolǵap sheberi jartylaı fınalda reseılik Adam Alıevpen judyryqtasty. Birinshi raýndta ol qarsylasyna dál soqqy jumsap, ózine soqqy darytpaýǵa tyrysy. Odan keıingi raýndtarda qarqynyn báseńdetken joq.

Esesine esepte jeńilip jatqan reseılik boksshy shabýylǵa kóbirek shyǵýǵa májbúr boldy. Nátıjesinde Temirtas qarsylasyn ádemi kútip alyp, Adam Alıevtiń qarqynyn birden basyp tastap otyrdy. Sol arqyly týrnırdiń fınalyna joldama aldy.

Aıta ketsek, búgin el quramasynan úsh boksshy sharshy alańǵa shyqty. Shırek fınalda jartylaı fınalda qarsylastaryna ese jiberdi.

Endi el quramasynan Talǵat Syrymbetov (60 keli), Darhan Dúısebaı 71 (keli), Saǵyndyq Toǵambaı (92 keli) synǵa túsedi.

Al el quramasynan Damır Ábdiqadyr (51 keli), Serik Temirjanov (63,5 keli), Baqtııar Smaǵulov (67 keli), Tımýr Nurseıitov (75 keli), Bekzat Tańatar (86 keli), Qamshybek Qońqabaev (92 keliden joǵary) óz jekpe-jekterin jarystyń túrli satysynda aıaqtady.