«Uly Jibek joly» týrnıri: taǵy úsh boksshymyz jartylaı fınalǵa shyqty
ASTANA. KAZINFORM - Ázerbaıjan astanasy Baký qalasynda ótip jatqan «Uly jibek joly» halyqaralyq týrnıriniń ekinshi jarys kúninde úsh boksshymyz jarysty jalǵastyrýǵa múmkindik aldy.
Aldymen 60 keli salmaqta shırek fınalda Talǵat Syrymbetov vengrııalyq Mark Adol Balohty esh qıyndyqsyz jeńip, tipti, qarsylasyn úshinshi raýndta nokdaýnǵa jiberdi. Osylaısha qazaqstandyq bylǵary qolǵap sheberi jartylaı fınalǵa joldama aldy.
Sondaı-aq, 71 kelide Darhan Dúısebaı ázerbaıjandyq Nabı Iskandarovty súrindirip, jartylaı fınalǵa shyqty.
Al Bekzat Tańatar (86 keli) ózbekstandyq tájirıbeli boksshysy Samandar Djalolovty qapy qaldyrdy. Nátıjesinde endi ol jartylaı fınalda baq synaıdy.
Aıta ketsek, atalǵan týrnırdiń alǵashqy jarys kúninde alty qazaqstandyq sportshynyń ekeýi ǵana jarysty jalǵastyrýǵa múmkindik aldy.
El quramasynan Temirtas Júsipov (48 keli), Saǵyndyq Toǵambaı (92 keli) qarsylastaryn orta jol qaldyrdy.
El quramasynan Damır Ábdiqadyr (51 keli), Serik Temirjanov (63,5 keli), Tımýr Nurseıitov (75 keli), Qamshybek Qońqabaev (92 keliden joǵary) jarys jolyn erte aıaqtady.
