«Uly Jibek joly» týrnıri: Taǵy eki qazaqstandyq boksshy fınalǵa shyqty
ASTANA. KAZINFORM – Ázerbaıjan astanasy Baký qalasynda ótip jatqan «Uly Jibek joly» halyqaralyq týrnırinde taǵy eki qazaqstandyq boksshy fınalǵa shyqty.
El quramasynan Tımýr Qabdeshov (54 keli) jartylaı fınalda reseılik Maksım Kýznetsovpen qolǵap túıistirdi. Ol alǵashqy eki raýndta upaıyn túgeldep, sońǵy raýndta saýatty oınaı bildi. Nátıjesinde fınalǵa joldama aldy.
Al Talǵat Syrymbetov (60 keli) jartylaı fınalda ózbek jigiti Bahtıer Asadovtan basym tústi. Jekpe-jek barysynda jyldam qozǵala alatyn ol qarsylasyn senimdi túrde jeńdi.
Aıta ketsek, budan buryn halyqaralyq týrnırde qazaqstandyq Temirtas Júsipov (48 keli) fınalǵa shyqty.
El quramasynan Damır Ábdiqadyr (51 keli), Serik Temirjanov (63,5 keli), Baqtııar Smaǵulov (67 keli), Tımýr Nurseıitov (75 keli), Bekzat Tańatar (86 keli), Qamshybek Qońqabaev (92 keliden joǵary) óz jekpe-jekterin jarystyń túrli satysynda aıaqtady.
