Uly kólder aımaǵynda 900 myń adam jaryqsyz qaldy

ASTANA. KAZINFORM — Indıana, Mıchıgan, Vıskonsın jáne Kanadanyń Ontarıo provıntsııasynda daýyl men jańbyr aǵashtar men elektr jelilerin qulatyp, júzdegen myń adam jaryqsyz qaldy, dep habarlaıdy The New York Times. 

Qarly daýyl senbi kúni keshke bastalyp, jeksenbi boıy jalǵasty. «Poweroutage.us» monıtorıng saıtynyń málimetinshe, Mıchıganda 360 myń adam, kórshiles Vıskonsınde — 62 myńǵa jýyq turǵyn, Indıana shtatynda — 110 myńnan astam adam jaryqsyz qaldy.

Ontarıoda 400 myńnan astam kanadalyq elektr qýatynsyz qaldy, dep habarlaıdy poweroutage.com.

Kanadanyń ortalyq jáne shyǵys provıntsııalaryndaǵy ajyraý negizinen kóktaıǵaq saldarynan boldy.

Mıchıgan, Mınnesota, Nıý-Iork, Vermont jáne Vıskonsın shtattarynyń keı bólikterinde kóktaıǵaq qaýpi joǵary boldy. 

Ontarıo provıntsııasy polıtsııasynyń habarlaýynsha, Ottavanyń ońtústiginde aýa raıynyń qolaısyzdyǵynan eki kólik jyraǵa túsip, tórt adam aýyr jaraqat alǵan. 

Buǵan deıin AQSh-ta kúshti tornado saldarynan mert bolǵandar sany 40-qa jetkenin jazǵan bolatynbyz.