Uly qınap ustaǵan: Almatyda qoly baılaýly júrgen áıelge qatysty polıtsııa tekseris bastady
ALMATY. KAZINFORM – Almatyda qoly baılaýly, jalańaıaq júrgen áıel turǵyndardyń kózine tústi.
Jelide qoly baılaýly almatylyq áıeldiń kóshede júrgeni týraly aqparat tarady. Vıdeodaǵy aqparatqa sáıkes, uly “otbasymyzdyń ortasyna tústiń” dep, qolyn baılap ustaǵan. Áıel kóshege qashyp shyqqan kórinedi. Ony baıqaǵan turǵyndao áıeldi bosatyp, aıaq kıim berip, polıtsııany shaqyrǵan.
Almpty polıtsııa departamenti Alataý aýdandyq polıtsııa basqarmasynyń tergeý jumysyn bastaǵanyn rastady.
- Áıeldiń jeke basy anyqtaldy. Qazirgi ýaqytta ol polıtsııa bóliminde túsinikteme berip jatyr. Sonymen qatar atalǵan jaǵdaıǵa qatysty buǵan deıin polıtsııaǵa eshqandaı ótinish nemese habarlama túspegen. Qazir bolǵan oqıǵanyń barlyq mán-jaıy anyqtalyp jatyr, - dep málimdedi Almaty PD baspasóz qyzmeti.
Sondaı-aq tekserý nátıjesi boıynsha quqyqtyq baǵa berilip, tıisti sharalar qabyldanatynyn málimdedi.
Eske salsaq, Almatyda dúken ishinde áıelge kúsh kórsetken azamat izdestirilip jatqany aıtyldy.
