Uly dalanyń áýenderi Balqan júreginde shyrqaldy
BELGRAD. KAZINFORM – Etno-folklorlyq «Týran» ansambli men «Qazaqkontsert» uıymynyń mýzykanttary ózderiniń «Uly Dalanyń áýenderi» atty Balqan týrnesin Serbııanyń astanasynda bastady. Bul týraly QR Syrtqy ister mınıstrligi habarlady.
Dombyranyń tól kúıleri, halyq ańyzdary, sondaı-aq, Qazaqstan men álem klassıkteriniń týyndylary Serbııanyń baı mýzykalyq dástúrimen tanymal «Kolarats» kontsert zalynda shyrqaldy.
Saltanatty is-shara Qazaqstan Respýblıkasynyń kúnine arnalyp, oǵan Serbııanyń saıası, dıplomatııalyq korpýs, ǵylymı jáne akademııalyq qaýym ókilderi, qoǵamdyq uıymdardyń jetekshileri, bıznes ókilderi, BAQ, mádenıet jáne sport qaıratkerleri qatysty.
Mádenı is-sharada sondaı-aq Qazaqstannyń kórnekti áıelderine arnalǵan fotokórme usynyldy. Serb kórermenderi qazaq mýzykanttarynyń ónerin jyly qoshemetpen qabyldady.
Kontserttik týrne Ýjıtse jáne Vrane qalalaryndaǵy kontserttermen jalǵasady.
Aıta keteıik, Majarstanda qazaq mýzykasy shyrqaldy.