Uly dala joryǵynda mańǵystaýlyq shabandoz rekord jasady
«Rekord» komandasynyń múshesi, 21 jastaǵy Maǵjan Abdoluly 1300 shaqyrymnyń sońǵy 50 shaqyrymyn baǵyndyrýǵa tańǵy saǵat 7:10-da attanyp, Túrkistandaǵy máre syzyǵyn 08 saǵat 44 mınýt 9 sekýndta birinshi bolyp kesti, dep habarlaıdy QazAqparat tilshisi.
«Astanadan Túrkistanǵa deıingi 1300 shaqyrymdy bastan-aıaq bir atpen eńserýdi maqsat etken «Rekord» komandasy Astana qalasy, Mańǵystaý men Jetisý oblystarynyń shabandozdarynan quralǵan. Qazaq jylqysynyń erligin Gınnes rekordtar kitabyna engizýdi kózdegen azamattarǵa tóreshiler sheshimimen qomaqty júldeqory beriledi. 1-orynǵa — 2,5 mln teńge, 2-orynǵa — 2 mln teńge, 3-orynǵa — 1,5 mln teńge» delingen Mańǵystaý oblystyq sport basqarmasy baspasóz qyzmetiniń málimetinde.
Eske salaıyq, Mańǵystaýdyń «Kókmoınaq» komandasy 12-kezeńge kelgende joryqty toqtatqan bolatyn.
Degenmen mańǵystaýlyq sáıgúlik «Shaǵyraıtory» qazaq jylqysynyń atyn Gınnes rekordtar kitabyna engizý jolynda synǵa túsken.
Búgin sheshýshi kezeńde «Shaǵyraıtory» top bastap birinshi kelip, rekord ornatty.
Sondaı-aq, «Uly dala joryǵy» marafon-báıgesiniń jeńimpazdary Jetisý oblysynyń komandasy atansa, ekinshi oryndy Aqtóbe jáne úshinshi oryndy Almaty qalasy ıelendi.
