17:32, 11 Tamyz 2024 | GMT +6
Uly Abaıdyń esimi Parıjde ulyqtaldy
ASTANA. KAZINFORM – Abaı Qunanbaıulynyń 179 jyldyǵyna oraı Qazaqstannyń Frantsııadaǵy Elshiligi Parıj aqyndarynyń alańynda eske alý is-shara ótkizdi. Bul týraly QR SІM baspasóz qyzmeti málim etti.
Uly aqyndy QR Elshiliginiń ujymy, Parıjge kelgen otandastarymyz, Qazaqstan ulttyq quramasynyń 2024 jylǵy Olımpıada oıyndaryna qatysqan sportshylar, sondaı-aq qazaq dıasporasynyń ókilderi eske aldy.
Abaı kúnin merekeleý qazaq jáne frantsýz tilderinde óleńder, aqynnyń Qara sózderin oqýmen jalǵasty.
Abaıdyń bıýsti 2021 jyly frantsýz ádebıetiniń uly jazýshylaryna arnalǵan eskertkishter ornalasqan Square des poètes saıabaǵynda ashyldy.
