Úlgili áke bolýǵa kómekteser keńes jınaqtalǵan kitap jaryqqa shyqty

NUR-SULTAN. QazAqparat – QR Prezıdenti janyndaǵy áıelder isi men otbasylyq-demografııalyq saıasat boıynsha ulttyq komıssııanyń bastamasymen jáne BUU halyq qorynyń qoldaýymen «Qalaısha oıly jar ári áke bolý kerek?» taqyrybyndaǵy keńesterden jınaqtalǵan týyndy tanystyryldy, dep habarlaıdy QazAqparat tilshisi.

Kitapty birneshe avtor jazyp shyqqan. Atap aıtqanda, zań ǵylymdarynyń kandıdaty, quqyqtaný ǵylymynyń dotsenti Mıra Jasqaırat, psıhologııa ǵylymdarynyń kandıdaty, dotsent Maıra Qabaqova, qoǵamdyq densaýlyq saqtaý magıstri ıÝlııa Lysenkova, dáriger, zań bakalavry Serik Táńirbergenov, medıtsına ǵylymdarynyń doktory, professor Gaýhar Ábýova, áleýmettik ózara árekettestik boıynsha sarapshy, tulǵany damytý salasyndaǵy psıholog Erbol Ismaılov, psıhologııa magıstri, tulǵany damytý salasyndaǵy sarapshy Erlan Mustafın, sertıfıkattalǵan bıznes-jattyqtyrýshy Qaısar Maqannyń atsalysýymen osyndaı kitap jaryqqa shyǵyp otyr.

Avtorlardyń aıtýynsha, bul jınaq ákelikke aıaq basqan er adamdarǵa arnalady.

«Kitapty shyǵarý barysynda biz áke bolýdyń tabıǵatyn zerttedik. Psıhologııa salasyna, onyń ishinde er adamdardyń ákelikke daıyndyǵy, ata-analardyń quqyqtyq qarym-qatynasyn retteýine erekshe mán berdik», - deıdi avtorlar.

ıAǵnı kitapty shyǵarýdaǵy basty maqsat – ákelerdi keńespen qoldaý bolyp otyr.

«Er adamdardyń áke bolý aldyndaǵy jaýapkershiligi orasan zor resýrs beretinin túsiný kerek. Áke bolǵan azamattyń óz-ózine degen senimi nyǵaıa túsedi», - delingen kitaptyń kirispesinde.

Ákeler jaıly kitappen myna siltemede tanysýǵa bolady.