Úlestik qurylys, ınvataksı jáne jol sapasy: jańa zańǵa túzetýler engizildi
ASTANA. KAZINFORM – Memleket basshysy «Qazaqstan Respýblıkasynyń keıbir zańnamalyq aktilerine turǵyn úı qurylysyna úlestik qatysý, avtomobıl joldary jáne múgedektigi bar adamdardy tasymaldaý jónindegi qyzmetterdi kórsetý máseleleri boıynsha ózgerister men tolyqtyrýlar engizý týraly» zańǵa qol qoıdy
Zań Azamattyq, Qylmystyq, Qylmystyq-protsestik, Azamattyq protsestik jáne Áleýmettik kodeksterge, sondaı-aq 14 zańǵa túzetýler engizdi.
Túzetýlerdiń birinshi blogy úlestik qurylys protsesteriniń zańdylyǵy men ashyqtyǵyn qamtamasyz etýge, úleskerlerdiń quqyqtary men zańdy múddelerin qorǵaýǵa baǵyttalǵan.
Túzetýlerdiń ekinshi blogynda ınvataksı pılottyq jobasyn jappaı qoldanysqa engizý kózdelgen.
Áleýmettik qyzmetter portalynda qoljetimdi qyzmetter sanatyna múgedek jandardy ınvataksımen tasymaldaý qyzmeti engizildi. ıAǵnı múgedektigi bar adamdar ózderiniń erekshe qajettiligine baılanysty kólik shaqyrýǵa múmkindik aldy. Osylaısha olardyń erkin júrip-turýy qamtamasyz etiledi.
Túzetýlerdiń úshinshi blogy avtomobıl joldarynyń sapasyn arttyrýǵa baǵyttalǵan.
Jol salasyn tsıfrlandyrý maqsatynda «Avtomobıl joldary týraly» zańda jol qurylysy materıaldary men jańa tehnologııalardyń biryńǵaı bazasyn jasaqtaýǵa quqyqtyq negiz paıda boldy.
Sonymen qatar Memleket basshysy «Qazaqstan Respýblıkasynyń keıbir zańnamalyq aktilerine qarjy naryǵyn damytý, qarjylyq kórsetiletin qyzmetterdi tutynýshylardyń quqyqtaryn qorǵaý, baılanys jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańyna qol qoıdy.
Zańnyń mátini baspasózde jarııalanady.
Aıta ketelik búgin Memleket basshysy «Qazaqstan Respýblıkasynyń aýmaqtyq qorǵanysy týraly» zańyna qol qoıǵan edi.