Úlestik qurylys: baspana satyp alýǵa jumsalatyn qarajat ashyq kórinip turady

ASTANA. KAZINFORM – Cenator Súıindik Aldashev búgin Senat maquldaǵan zań aıasynda úleskerlerdi qorǵaýdyń jańa tetikterine qatysty túsinik berdi.

Búgin Senattyń jalpy otyrysynan keıin tilshiler salynyp jatqan turǵyn úıdi tek qolma-qol aqshasyz nysanda satyp alý-satý boıynsha mámileler júrgizý tártibine qatysty suraq qoıdy.

- Bul talap kelisimshartta barlyǵy ashyq bolýy úshin engizildi. Máselen, úı satyp alǵysy keletin adam qolma qol aqshasyn bankke aparyp salady, al bankten ary qaraı iske asyrylatyn tranzaktsııa kezinde qurylys kompanııasyna tólengen qarajat anyq kórinip turady, - dedi S. Aljashev.

Osy oraıda ol turǵyn úı satyp alǵysy keletin kez kelgen adam qarajatyn tek bank arqyly tóleıtinin, ıaǵnı qurylys kompanııasyna tikeleı qolma qol aqsha salmaıtynyn naqtylady.

Sonymen qatar depýtat salatyn kópqabatty turǵyn úıde jyljymaıtyn múlik satyp alýǵa ıpotekaǵa tyıym salý normasyn túsindirdi.

- Endi qurylys bastalmaı turyp bank ıpoteka bermeıdi. Aldymen, turǵyn úıdiń zańdy salynýy tekseriledi. Bul qadamdar úlesker aldanyp qalmaýy úshin jasalyp otyr, - dedi senator.

Budan buryn habarlanǵandaı, búgin Senattyń jalpy otyrysynda «Keıbir zańnamalyq aktilerge turǵyn úı qurylysyna úlestik qatysý, avtomobıl joldary jáne múgedektigi bar adamdardy tasymaldaý jónindegi qyzmetterdi kórsetý máseleleri boıynsha ózgerister engizý týraly» Zańy eki oqylymda qaralyp, maquldandy.