Úlestik qurylysqa qatysqandardyń aqshalaı qarajattaryn urlaý faktileri boıynsha 7 qylmystyq is qozǵaldy - Astana prokýratýrasy
ASTANA. Shildeniń 26-sy. QazAqparat /Janna Qorqytova/ - Aǵymdaǵy jyldyń alǵashqy 6 aıynda Astana prokýratýrasy úlestik qurylysqa qatysqandardyń aqshalaı qarajattaryn urlaý faktileri boıynsha 7 qylmystyq is qozǵady.
Bul týraly qalalyq prokýratýranyń alqa májilisinde málim etildi.
Prokýratýranyń deregi boıynsha, júrgizilgen tekserýler barysynda bıýdjet pen úlestik qurylys qarajattarynyń zańdy jumsalý máselelerine aıryqsha nazar aýdarylǵan.
Prokýratýra organdarynyń aralasýynyń arqasynda 5 myńǵa jýyq elorda turǵyny 140 mıllıon teńgeden astam somadaǵy ózderiniń mańdaı ter eńbekaqylaryn ala alǵan. Prokýratýra sonymen birge, alaqol jumys berýshilerge qatysty jalpy somasy 5 mıllıonnan astam teńgeniń 78 ákimshilik isin qozǵady.
Sondaı-aq, prokýratýra úlestik qurylysqa qatysqan azamattardyń turǵyn úı quqyqtaryn qorǵaý maqsatynda І jartyjyldyqta 773 úleskerdiń múddelerin qorǵaı otyryp, olar tólegen 6 mılıard teńgeden astam aqshalaı qarajatty óndirý jáne úlestik qurylysqa qatysý týraly kelisim sharttardy buzý týraly 9 talap-aryzyn engizdi. Úlestik qurylysqa qatysqandardyń aqshalaı qarajattaryn urlaý faktileri boıynsha 7 qylmystyq is qozǵaldy.
