Úleskerlik qurylysqa qatysýshylardyń aqshalaı qarajatyn urlady dep aıyptalǵan Ýálıhanovtar Astanaǵa jetkizilip tergeý abaqtysyna qamaldy - QR Ekonomıkalyq qylmysqa jáne sybaılas jemqorlyqqa qarsy kúres agenttigi
ASTANA. Aqpannyń 5-i. QazAqparat - Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi Taıland quqyq qorǵaý organdary ustaǵan Qazaqstannyń eki azamaty Qulman men Ǵazız Ýálıhanovtardyń elimizge qaıtarylǵanyn qýattaıdy,
dep habarlady vedomstvonyń baspasóz qyzmeti.
«Beıbitshilik», «Qulan», «Shymbulaq» jáne «Vozrojdenıe» turǵyn úı keshenderiniń úleskerlik qurylysqa qatysýshylarynyń 2 mlrd. 611 mln.teńge aqshalaı qarajatyn urlady dep aıyp taǵylǵan Qulman men Ǵazız Ýálıhanovtar aǵymdaǵy jylǵy aqpannyń 4-inde Astanaǵa jetkizilip, tergeý abaqtysyna otyrǵyzyldy. Qylmystyq is boıynsha tergeý júrgizilýde.
