Úleskerlik qurylys salasyndaǵy zańsyzdyqtarǵa shydamaǵan 100-ge jýyq azamat Joǵarǵy sotqa keldi
TANA. 27 qazan. QazAqparat /Aıdar Ospanalıev/ - Úleskerlik qurylys salasyndaǵy zańsyzdyqtarǵa shydamaǵan 100-ge jýyq azamat Joǵarǵy sotqa kelgen. Bul týraly búgin jýrnalıstermen bolǵan brıfıngte Joǵarǵy sottyń resmı ókili Oksana Peters málim etti.
Onyń aıtýynsha, oqıǵa 13 qazanda bolǵan. Úleskerlerdiń aıtýynsha, «Tamyz ınvest grýpp» aktsıonerlik qoǵamy 204 azamatpen úleskerlik qurylys jóninde shart jasasyp, nátıjesinde úlesker azamattar osy kompanııaǵa 1 mıllıard 131 mıllıjn 509 myń teńge kóleminde qarjy tólegen. Aldyn ala jasalǵan shart boıynsha qurylys nysany 2007 jyldyń 4 toqsanynda bitýi tıis bolatyn. Alaıda qurylys jumystary búgingi kúnge deıin aıaqtalmaǵan.
«Tamyz ınvest grýpp» aktsıonerlik qoǵamy moınyna alǵan mindetterdi oryndaı almaǵandyqtan Astana qalalyq mamandandyrylǵan ekonomıkalyq soty 2011 jyldyń 14 naýryzynda úleskerlik qurylys týraly 204 sharttyń kúshin joıyp, 1 mıllıard 131 mıllıon 509 myń teńgeni jáne elordadaǵy qurylysy aıaqtalmaǵan turǵyn úı men jer telimderin «TK-1-Astana» kompanııasyna berý týraly sheshim qabyldaıdy. Bul sheshimge Astana qalalyq sotynyń appelıatsııalyq jáne kassatsııalyq sottary shaǵym keltirgendigine qaramastan, atalǵan másele boıynsha ekonomıkalyq sot qabyldaǵan sheshim kúshinde qalady. Buǵan kelispegen «Tamyz ınvest grýpp» kompanııasy Joǵarǵy sotqa shaǵymdanyp, jergilikti sottardyń sheshiminiń kúshin joıýdy suraıdy. Biraq Joǵarǵy sottyń Azamattyq jáne ákimshilik ister jónindegi qadaǵalaýshy sot alqasy osy isti jan-jaqty qaraı kele, Astana qalasynyń mamandandyrylǵan ekonomıkalyq sotynyń sheshimin zańdy dep tapty», - dedi resmı ókil.
