Úleskerlerdiń qarajatyn qymqyrǵan «Sheıh Kaz Invest» JShS burynǵy dırektory Ch.Saıdov ustaldy
ASTANA. QazAqparat - 17 qazanda «Hazret» TK úleskerleriniń aqshalaı qarajatyn qymqyrý faktisine qatysty qylmystyq is boıynsha ekinshi kúdikti «Sheıh Kaz Invest» JShS burynǵy dırektory Chekmýstafa Saıdov ustalyp, ýaqytsha ustaý oqshaýlaǵyshyna qamaldy, dep habarlaıdy Astana ІІD baspasóz qyzmetinen.
Eske salsaq, aǵymdaǵy jylǵy 15 qazanda elordalyq ishki ister departamentiniń Tergeý basqarmasy «Hazret» turǵyn úı kesheni úleskerleriniń qarajatyn ıemdengeni úshin kúdikti retinde «Sheıh Kaz Invest» JShS dırektory Olga Shnaıderdi ustap, ýaqytsha ustaý oqshaýlaǵyshyna qamaǵan bolatyn. O.Shnaıderdiń áreketinen 80-ge jýyq úlesker zardap shekti. Jábirlenýshilerden jınalǵan qarajat somasy jarty mıllıard teńgeden asqany belgili boldy. Qazirgi ýaqytta sot aldy tergeý júrgizilýde. Astana q. ІІD úlestik qurylysqa qatysý úshin qurylys kompanııalaryn tańdaǵan kezde barynsha abaı bolýǵa shaqyrady. Atalmysh tulǵalardan zardap shekken tulǵalardan Beıbitshilik kóshesinde ornalasqan Astana q. ІІD-ine habarlasýlaryn nemese 71-62-28, 71-60-10 telefondaryna qońyraý shalýlaryn ótinemiz.
