Úleskerlerdiń bir mıllıardtan astam qarajatyn jymqyrǵandardyń isi sotqa joldandy
ASTANA. QazAqparat - Astanada «Arabı», «Arabı-2» TK jáne «Samal» TQK TK turǵyn úı qurylysyna qatysty 183 úleskerlerge tıesili bir mıllıardtan astam aqsha qarajattaryn jymqyrǵandary tolyqtaı óz dálelin tapty, dep habarlaıdy Astana qalasy prokýratýrasynyń baspasóz qyzmeti.
«Úleskerlik turǵyn úı qurylys salasynda jaramsyz qurylys salýshylardyń qylmystyq is-árketteriniń saldarynan zardap shekken úleskerlerdiń quqyqtary men múddelerin qorǵaý prokýratýra organdarynyń basty baǵytynyń biri bolyp tabylady. Osyǵan oraı, jyl boıy aýdan prokýratýrasynyń qadaǵalaýymen «Arabı», «Arabı-2» TK jáne «Samal» TQK TK músheleriniń taraptarynan úleskerlerdiń aqsha qarajattaryn jymqyrý deregine qatysty qozǵalǵan qylmystyq istiń zańdylyǵy júzege asyryldy», - delingen habarlamada.
Vedomstvonyń málim etkenindeı, sotqa deıingi tergeý barysynda qylmystyq iske qatysýshylardyń quqyqtarynyń buzylýyna jol bermeý úshin, istiń mán-jaılaryn, jan-jaqty, tolyq jáne obektıvti júrgizý maqsatynda protsessýaldyq prokýror taǵaıyndaldy.
«Sonyń nátıjesinde, aldyn-ala júrgizilgen tergeý barysynda B. jáne S. esimdi azamattardyń jasaǵan qylmystyq quqyqbuzýshylyq is-áreketteri, ıaǵnı turǵyn úı qurylysyna qatysty 183 úleskerlerge tıesili bir mıllıardtan astam aqsha qarajattaryn jymqyrǵandary tolyqtaı óz dálelin tapty. 2016 jyldyń shilde aıynyń 7-si kúni B. jáne S. esimdi azamattaryna qatysty aıyptaý aktisi protsessýaldyq prokýrormen bekitilip, qylmystyq is Astana qalasy Esil aýdanynyń №2 aýdandyq sotyna qaraýǵa joldandy», - dep jazady qalalyq prokýratýra.
Astana qalasy «Esil» aýdanynyń prokýratýrasy atalǵan qylmystyq oqıǵanyń aldyn alý jáne oǵan jol bermeý úshin, úleskerlerdiń nazaryna Qazaqstan Respýblıkasynyń «Turǵyn úı qurylysyna úlestik qatysý týraly» Zańynyń 8 babynyń talaptaryn, ıaǵnı qurylys salýshy jáne jobalaý kompanııasy turǵyn úı qurylysyna úlestik qatysý týraly shart jasasý maqsatynda ótinish jasaǵan tulǵaǵa eskertedi.
