Úleskerlerdiń aqshasyn urlaǵan aǵaıyndy Ýálıhanovtar Taılandta boı tasalap júr
ASTANA. Qańtardyń 13-i. QazAqparat /Arman Asqarov/ - Astanadaǵy «Vozrojdenıe», «Ulan» jáne «Beıbitshilik» turǵyn-úı keshenderiniń qurylysyna qarjy salǵan úleskerlerdiń aqshasyn jymqyrǵan aǵaıyndy Ýálıhanovtar Taılandta boı tasalap júr.
Bul týraly búgin aptalyq brıfıng barysynda QR ІІM Til saıasaty jáne aqparat departamentiniń bastyǵy Qýanyshbek Jumanov aıtty, dep habarlaıdy QazAqparat.
Onyń aıtýynsha, qazirgi kezde olar Interpol boıynsha halyqaralyq izdeýge berildi. Taılandtaǵy Interpoldyń ulttyq ortalyǵy habarlaǵandaı, atalǵan qylmyskerler bul elge ótken jyly qyrkúıek-qazan aılarynda kelgen bolatyn. «Osyǵan oraı Interpoldyń Qazaqstandaǵy bıýrosy aǵaıyndy ekeýdi ustap, elge qaıtarý jóninde arnaıy hat jibergen edi. Biraq áli kúnge ol azamattardy ustaý týraly eshqandaı aqparat joq», - deıdi Q.Jumanov.
