Úleskerlerdiń 222,5 mln. teńgesin jymqyrdy degen aıyp taǵylǵan «Kapıtal stroı servıs» dırektorynyń isi prokýratýraǵa jiberildi
ASTANA. QazAqparat - «Alaıaqtyq» babymen aıyptalyp otyrǵan «Kapıtal stroı servıs» JShS-niń negizin qalaýshy jáne dırektory I.V.Dmıtrıenkonyń isi prokýratýraǵa jiberildi, dep habarlaıdy Astana qalasy ІІD baspasóz qyzmeti.
Eske sala keteıik, tergeý basqarmasy «Granıtnyı» TK-niń 44 úleskeriniń 222 523 000 teńge kólemindegi aqshalaı qarajatyn urlady degen kúdikpen «Kapıtal stroı servıs» JShS-niń negizin qalaýshy jáne dırektory I.V.Dmıtrıenkony ustady.
22 qazan kúni Astana qalasynyń № 2 Saryarqa aýdandyq soty ony qamaýǵa alý týraly sanktsııa shyǵardy.
Qazirgi ýaqytta sot aldyndaǵy tergeý barysynda jınalǵan is materıaldarymen kúdikti I.V.Dmıtrıenkonyń QR QK-niń «Alaıaqtyq» babynda qarastyrylǵan qylmysty jasaǵany dáleldendi. Іs QR QPK-niń 300-babynyń tártibinde sotqa berilý úshin Astana qalasynyń Saryarqa aýdandyq prokýratýrasy jiberildi.
