Úleskerler úreıi: keıbir turǵyn úı qurylysynyń problemaǵa aınalý sebebi nede
ASTANA. KAZINFORM — Jergilikti atqarýshy organdar monıtorıng júrgizip qurylysy problemaǵa alyp kelýi múmkin 99 nysandy anyqtady.
Іstiń mán-jaıyn Ónerkásip jáne qurylys mınıstrligi qala qurylysy jáne turǵyn úı-kommýnaldyq saıasat departamentiniń qurylys salasyn damytý basqarmasynyń basshysy Erlan Kúlishev tarqatyp berdi.
— Búginde respýblıka boıynsha turǵyn úı qurylysyna úlestik qatysý salasynda 42 problemalyq nysan bar, olardy 2026 jyldyń ishinde aıaqtaý josparlanyp otyr. Sonymen qatar jergilikti atqarýshy organdardyń monıtorıng júrgizý nátıjesinde 99 qurylys nysany anyqtalyp otyr. Olarǵa jergilikti atqarýshy organnyń ruqsaty nemese biryńǵaı operatordyń kepildigi berilmegen. Atalǵan qurylys nysandary bolashaqta problemalyq obektiler qataryna ótýi múmkin, — dedi Erlan Kúlishev elordada «Atameken» UKP alańynda ótken jıynda.
Sondaı-aq Ónerkásip jáne qurylys mınıstrliginiń ókili keıbir turǵyn úı qurylysynyń problemaǵa aınalý sebebin atady.
— Problemalyq nysandardyń paıda bolýyna birqatar qurylys kompanııanyń azamattyq quqyqtyq qatynasqa silteme jasap, jeke tulǵalarmen bron, ınvestıtsııaǵa qatysty túrli sharttar jasasýy sebep bolyp otyr. Mundaı sharttar azamattardyń quqyǵy men múddesin tıisti deńgeıde qorǵaýǵa múmkindik bermeıdi. Nátıjesinde nysandy tapsyrý merzimi keshigedi, sapasyz qurylys jáne úleskerlerdiń shyǵynǵa batýyna alyp keledi, — deıdi mınıstrlik ókili.
Eske salaıyq, bıyl 30 sáýirde Májilis úlesker aqshasyna turǵyn úı salý erejesin jetildiretin zańdy qabyldady.
12 maýsymda Senat úleskerlikti rettep, azamattyq qorǵanys júıesin nyǵaıtatyn zańdardy qarady.