Úleskerler prokýratýra qyzmetkerlerine alǵysyn bildirdi
ASTANA. 11 shilde. QazAqparat /Qanat Mámetqazyuly/ - Astana qalasyndaǵy «Avangard» turǵyn úı kesheni turǵyndarynyń atynan «Nızam» turǵyn úı-qurylys kooperatıvi Astana qalasynyń prokýratýrasyna alǵyshat joldady.
Bul týraly QR Bas prokýratýrasynyń baspasóz qyzmetinen habarlandy.
«Nızam» turǵyn úı-qurylys kooperatıvi óz hatynda Astana qalasynyń prokýratýrasyna jáne qala prokýrory Muhtar Jórgenbaevqa alǵysyn bildirgen.
«Prokýratýra qyzmetkerleriniń, atap aıtqanda, qala prokýrorynyń orynbasary M.B. Muhambetqazynyń, 4-basqarma bastyǵy B.A. Alashovtyń, 4-basqarmanyń bólim bastyǵy E.A. Jumaǵulovtyń jáne 1-basqarma prokýrory B.S. Tóregeldınniń kásibıliginiń arqasynda qurylysy aıaqtalmaǵan nysan men turǵyn úı kesheni qurylysyna bólingen jer telimderin berý jónindegi sot sheshimderi «Avangard» turǵyn úı kesheni úleskerleriniń paıdasyna sheshildi. Qazirgi ýaqytta 900-den astam adam ózderiniń páterleri men keńseleriniń ıegerleri boldy», - dep atap ótilgen hatta.
