Úleskerler qatysqan eń sońǵy problemaly nysan 2017 jyly salynyp bitedi - UEM

ASTANA. QazAqparat + Úleskerler qatysqan eń sońǵy problemaly nysan 2017 jyly salynyp bitedi. Búgin Senattyń jalpy otyrysynda «Turǵyn úı qurylysyna úlestik qatysý týraly» zań jobasy boıynsha depýtattar saýalyna jaýap bergen Ulttyq ekonomıka vıtse-mınıstri Marat Qusaıynov málim etti.

Qujatty talqylaý barysynda depýtattar turǵyn úı qurylysynyń problemaly nysandary týraly aqparat berýdi suraǵan bolatyn.

«2007 jyly elimizde úlestik qatysý boıynsha problemaly 450 turǵyn úı nysany bar bolatyn. Oǵan jalpy alǵanda 62 myń 889 úleskerler qatysqan bolatyn. Qazirgi kúni, 2016 jyldyń qańtar aıyndaǵy jaǵdaı boıynsha úlestik qatysýdaǵy problemaly nysandar sany 12, al ondaǵy úleskerler sany 1136 bolyp otyr. Osynyń ishinde aǵymdaǵy jyly problemaly 11 nysannyń qurylysyn aıaqtaý josparlanady. Al 2017 jyly eń sońǵy problemaly nysan salynyp bitedi. Bul Astanadaǵy «Terrıtorııa komforta» turǵyn úı kesheni», - dedi Ulttyq ekonomıka vıtse-mınıstri Marat Qusaıynov.