Úleskeri joq, beıbereket salynyp jatqan turǵyn úılerdiń qurylysyn toqtatamyz - Astana ákimi

ACTANA. QazAqparat – Astana ákimi Jeńis Qasymbek BAQ ókilderine Taldykól aýmaǵyndaǵy beıbereket qurylyspen qalaı kúresetinin aıtty, dep habarlaıdy QazAqparat tilshisi.

«Beıbereket qurylystarǵa kelsek, kórshiles turǵyn úı keshenniń turǵyndary men belsendiler shaǵym aıtyp júrgen 20-daı nysan bar. Osy nysandardyń árqaısysy boıynsha jospar bar. Bastamashyl toptardyń bárimen udaıy kezdesip otyramyz. Atalǵan nysandardyń shamamen 70 paıyzy boıynsha naqty sheshim bar. Qurylys ıelerimen, turǵyndarmen kelisip jatyrmyz. Negizinen qurylys túsýi kerek oryndarǵa áleýmettik nysandar salamyz. Birneshe qabaty kóterilip ketken, úleskeri bar nysandar boıynsha sot bolyp jatyr. Sot sheshimine qaraı túpkilikti sheshim qabyldanady. Ondaı nysandar boıynsha da jyl aıaǵyna deıin sheshim shyǵaramyz dep oılaımyn», - dedi ákim.

Onyń aıtýynsha, keıbir nysandardyń qabat sany ózgertilýi múmkin.

«Jalpy sheshimder bar, kelisip jatyrmyz. Eki taraptyń da kóńilinen shyǵatyn sheshim bolady dep oılaımyn. Al úleskeri joq yǵy-jyǵy qurylystar toqtatylady. Bolashaq turǵyndary belgili bolyp qoıǵan keshender boıynsha ortaq sheshimin tabamyz – qabat sanyn azaıtamyz, taraptardyń báriniń kóńilin tabatyndaı basqa da zańdy tásilderin oılastyramyz», - dedi Jeńis Qasymbek.