Uldy bolǵanyn jýǵan: Astanada 26 jastaǵy mas júrgizýshi kýáliginen aıyryldy
NUR-SULTAN. QazAqparat – Polıtsııa qyzmetkerleri túngi ýaqytta Qabanbaı batyr dańǵylynyń boıynan bamperi zaqymdalǵan avtokólik baıqap qalady. Kólik quralynyń jol apatyna ushyraǵanyn anyqtaý úshin qyzmetkerler ony toqtatady. Kólik tizgindegen 26 jastaǵy júrgizýshi mas bolǵan, dep habarlaıdy QazAqparat Nur-Sultan qalalyq PD baspasóz qyzmetine silteme jasap.
Іshimdikke sylqııa toıǵan jas jigit aıaǵyn bas almaı, odan alkogoldiń ıisi shyǵyp turǵan.
Ol patrýldik polıtsııa qyzmetkerlerimen áńgimelesý kezinde uzaq kútken uly dúnıege kelgenin, sony atap ótkenin aıtyp bergen.
Júrgizýshi medıtsınalyq tekserýden ótip, orta deńgeıde mas bolǵany anyqtalǵan.
Sondaı-aq, ol buǵan deıin mas kúıde kólik júrgizgeni úshin sottyń sheshimimen júrgizýshi kýáliginen aıyrylǵan bolyp shyqty.
Alaıda, júrgizýshi buǵan deıin jazalanǵanyna qaramastan, taǵy da mas kúıde rýlge otyrǵan. Jas jigit tutqyndalyp, ýaqytsha ustaý oqshaýlaǵyshyna qamaldy.
Avtokólik kommýnaldyq turaqqa qoıyldy. Oǵan qatysty QR QK 346-baby 1-bóligi boıynsha tergeý júrip jatyr.
Sottyń sheshimi boıchnsha, tergeý júrip jatqan kezeńde júrgizýshi 2 aıǵa deıin qamaýda otyrýy múmkin.
Mas kúıde kólik júrgizý faktileri týraly 102 nómirine habarlaýǵa bolady.
