Uldarym bolashaqta boks qolǵabyn kıse qarsy emespin — Jánibek Álimhanuly

ASTANA. KAZINFORM — Qazaqstandyq boksshy, orta salmaqtaǵy WBO jáne IBF chempıony Jánibek Álimhanuly otbasy týraly aıtyp berdi.

— Ózim Amerıkada oqý-jattyǵý jıyndarynda, jekpe-jekterde júrsem de, otbasym ózim týǵan óńirde, elimizde turyp jatyr. Balalarymnyń barlyǵy osynda qazaqy tárbıe alyp óskenin qalaımyn. Bolashaqta uldarym qoldaryna boks qolǵabyn kıip, sportshy bolamyn dese qarsylyǵym joq. Biraq, ár qazaqtyń uldary ózin qorǵaı bilý úshin de boks mektebin úırenip jatsa artyq bolmaıdy — dedi Jánibek Álimhanuly.

Esterińizge sala keteıik, búgin Astanada Jánibek Álimhanulynyń 5 sáýirde ótetin jekpe-jegine arnalǵan baspasóz máslıhaty ótti. Ol 5 sáýirde Astanadaǵy «Barys Arenada» jeńilip kórmegen frantsýz boksshysy Anaýel Ngamıssengemen rıngke shyǵady.