Uldana Myrzýannyń qazasyna qatysty is: sot advokattyń ótinishhatyn qanaǵattandyrǵan joq
ASTANA. KAZINFORM — Uldana Myrzýan isi boıynsha kezekti sot otyrysynda sot Merýert Abaeva qorǵaý tarapynyń ótinishhatyn qanaǵattandyrýdan bas tartty.
— QR Qylmystyq-protsestik kodeksiniń 323, 344-baptaryn basshylyqqa ala otyryp, sot qaýly etti: Sottalýshy Jubanııazovanyń qorǵaýshysy Eslıambekulynyń QR Qylmystyq-protsestik kodeksiniń 323-baby tártibimen qylmystyq isti prokýrorǵa jiberý týraly ótinishhatyn qanaǵattandyrýdan bas tartylsyn. Qaýly túpkilikti jáne oǵan shaǵym jasalmaıdy. Atalǵan qaýlymen kelispeý týraly ýájderdi is boıynsha túpkilikti sheshimge beriletin apellıatsııalyq shaǵymda nemese prokýrordyń ótinishhatynda keltirýge bolady, — dedi Merýert Abaeva.
Onyń sózinshe, qaýlyǵa saı, is prokýrorǵa qaıtarylady. Biraq jańa jáne tolyqqandy tergeý júrgizilmeıdi. Birqatar saraptama júrgizý jáne kýálardan jaýap alý tárizdi jumystar negizgi sot talqylaýy barysynda atqarylady.
— Bul jaǵdaıda qylmystyq is sot kórsetken naqty protsestik nemese quqyqtyq kedergilerdi joıý úshin ǵana prokýrorǵa qaıtarylady. QR Qylmystyq-protsestik kodeksiniń 323-baby tártibimen isti prokýrorǵa qaıtarý sotqa deıingi tergeýdiń tolyq júrgizilmeýin tolyqtyrý maqsatymen baılanysty bolmaýy tıis. Qorǵaý tarapynyń birqatar saraptama júrgizý jáne kýálardan jaýap alý qajettigi týraly ýájderi negizgi sot talqylaýy barysynda qaralyp, sheshiledi, — dedi sot.
Aıta keteıik, buǵan deıin Uldana Myrzýannyń qazasyna qatysty iste qorǵaý tarapy isti qaıta tergeýge jiberýdi suraǵanyn jazǵanbyz
