Ulbosyn Ádilova XII Dúnıejúzilik oıyndarynda chempıon atandy

ASTANA. KAZINFORM — Qytaıdyń Chendý qalasynda ótip jatqan XII Dúnıejúzilik oıyndarynda Qazaqstan qorjynyna taǵy bir altyn júlde tústi.

Sportty damytý dırektsııasynyń málimdeýinshe, Jaýyngerlik sambodan 80 kelide baq synaǵan Ulbosyn Ádilova aqtyq synda 2024 jylǵy álem chempıonatynyń kúmis júldegeri Mavlýda Abdýllaevamen jolyǵyp, qylqyndyrý ádisimen aıqyn jeńiske jetip chempıon atandy.
Ulbosyn Ádilovanyń jarystaǵy joly:

½ fınal. ıAp Eıselın Agnes (Fılıppın) — 2:0

¼ fınal. Nensı Ernandes (Meksıka) — taza jeńis

Aıta keteıik, bul Dúnıejúzilik oıyndarynyń ekinshi altyn medali. Buǵan deıin djıý-djıtsýdan faıtıng bólimi boıynsha Jánibek Ábý-Bákir chempıon atanǵan bolatyn.

Jaýyngerlik sambo sporty 1993 jyldan keıin Dúnıejúzilik oıyndardyń baǵdarlamasyna qaıta engizildi.

Aıta keteıik, Dúnıejúzilik oıyndarynyń tarıhynda jerlesterimiz sambodan 1993 jyly 1 altyn, 1 kúmis, 1 qola medal jeńip alǵan bolatyn.