Úlbi zaýytyndaǵy Tómen baıytylǵan ýran banki 2017 jyldyń mamyrynda paıdalanýǵa beriledi - Hodanov
Onyń aıtýynsha, MAGATE-nyń tómen baıytylǵan ýran bankine arnalǵan qoıma salý týraly memlekettik saraptama alynyp, qurylys jumystaryn júrgizetin merdiger iriktelingen. 2016 jyldyń tamyz aıynyń sońynda merdiger qoıma jumysyn salýǵa kirisken.
«Qurylys jumystary kestege saı júrgizilip jatyr. Qoıma qurylysy 2017 jyldyń mamyrynda aıaqtalady dep josparlanyp otyr. Munan ary memlekettik qabyldaý ótedi. Odan keıin qyrkúıek aıynda MAGATE-niń sholý mıssııasy ótip, tómen baıytylǵan ýrandy qabyldaýǵa qoımanyń daıyndyǵy týraly sońǵy qorytyndy berilýi tıis. Osydan soń MAGATE atalǵan materıaldy satyp alý týraly tender jarııalaıdy jáne qoımaǵa tómen baıytylǵan ýran jetkizý bastalady desek te bolady», - dedi ol.
Aıta keteıik, búgin QR Parlamenti Májilisiniń Halyqaralyq ister, qorǵanys jáne qaýipsizdik komıtetiniń keńeıtilgen otyrysynda «QR Úkimeti men Atom energııasy jónindegi halyqaralyq agentik arasyndaǵy Qazaqstan Respýbılkasynda Atom energııasy jónindegi halyqaralyq agenttiktiń Tómen baıytylǵan ýran bankin qurý týraly kelisimdi ratıfıkatsııalaý týraly» QR zańynyń jobasy talqylandy.
Esterińizge sala ketsek, 2015 jyldyń 27 sáýirinde Qazaqstan Úkimeti óz qaýlysymen elimizde MAGATE-niń Tómen baıytylǵan ýran bankin «Úlbi metallýrgııalyq zaýyty» AQ-ynda ornalastyrý týraly kelisimge qol qoıýdy maquldaǵan bolatyn. Sol jyldyń 27 tamyzynda kelisimge Qazaqstan tarabynan Erlan Yydyrsov pen MAGATE-niń bas dırektory ıÝkııa Amano qol qoıǵan edi.
