Úlbi ózeninde muz jarylyp, sý tasqyny qaýpi tómendetildi
ASTANA. KAZINFORM – Úlbi ózeninde muz keptelisteriniń aldyn alý sharalary qabyldandy.
Shyǵys Qazaqstan oblysynyń Shemonaıha qalasy aýdanynda Úlbi ózeninde muz qozǵalysy tirkeldi. Qalyptasqan jaǵdaı Borodýlıha aýdanyndaǵy Krasnyı ıAr jáne Rechnoe aýyldary mańynda muz keptelisteriniń paıda bolýyna ákelýi múmkin edi.
Jaǵdaıdy turaqtandyrý maqsatynda Tótenshe jaǵdaılar departamenti Abaı oblysynyń ákimdigimen birlesip, aldyn alý sharalarynyń keshenin uıymdastyrdy.
Rechnoe aýylynan tómen ornalasqan qaýipti ýchaskede muz qabatyn bólshekteý úshin jarylys jumystary júrgizildi. Jumystar barysynda alty ýchaskede jalpy aýmaǵy shamamen 12 myń sharshy metr muz buzyldy. Bul ózen arnasymen sýdyń erkin ótýin qamtamasyz etip, keptelisterdiń paıda bolý qaýpin azaıtty.
Qabyldanǵan sharalardyń nátıjesinde sý basý qaýpi barynsha tómendetilip, Krasnoıar aýyldyq okrýginiń turǵyndary men turǵyn úıleriniń qaýipsizdigi qamtamasyz etildi. Jaǵdaı turaqty baqylaýda.
Aıta ketelik SQO-da muz jarý jumystary jalǵasyp jatqany týraly jazǵan edik.