Ýlanyp ólgen stýdentke baılanysty QazUÝ túsinikteme berdi
ALMATY. QazAqparat - Ál-Farabı atyndaǵy Qazaq Ulttyq ýnıversıtetiniń baspasóz qyzmeti oqý ornynda bolǵan qaıǵyly oqıǵaǵa baılanysty QazAqparat tilshisine túsinikteme berdi.
Oqys oqıǵa keshe keshki saǵat 20-00 shamasynda jataqhanada bolǵan.
«Mehanıkalyq-matematıkalyq fakýltetke túsken 1-kýrs stýdenti grant boıynsha bilim alyp jatqan. Jataqhanada turatyn. Kúndiz stýdentter rektordyń esebin tyńdady. Keshke jataqhanada bolǵan. Bul oqıǵa keshki 20-00 shamasynda boldy. 1-kýrs stýdentteriniń biri dosynyń jaǵdaıy ýshyǵyp ketkenin komendantqa habarlaǵan. Jedel járdem kelip úlgergenshe qaıǵyly jaǵdaı oryn aldy. Dárigerler aldyn ala ýlanýdan kóz jumdy degen qorytyndy shyǵardy», - dedi baspasóz qyzmetinen.
Onyń aıtýynsha, kóz jumǵan jigit týraly aqparat óte mardymsyz.
«Bul balalar qyrkúıekte ǵana oqýǵa túsip, jaqynda ǵana bólme alǵan. Marqum Pavlodar oblysynan kóp balaly otbasynan shyqqan»,- dedi oqý ornynan.
QazUÝ qaıǵy jamylǵan otbasyǵa materıaldyq kómek kórsetýge daıyn.
Jas stýdenttiń óliminiń jaı-japsarymen qazir polıtsııa aınalysyp jatyr.
«Onyń qasynda 17 jastaǵy dosy bolǵan. Polıtsııa ol balany qazir alyp ketti», - dedi baspasóz qyzmetinen.
