Ulanǵaıyr jerimizdiń baıyrǵy ataýlaryn, uly tulǵalarymyzdyń esimin urpaq sanasynda jańǵyrta beremiz - Prezıdent
NUR-SULTAN. QazAqparat – Ulanǵaıyr jerimizdiń baıyrǵy ataýlaryn, uly tulǵalarymyzdyń esimin urpaq sanasynda jańǵyrta beremiz. Bul týraly QR Prezıdenti Qasym-Jomart Toqaev Qazaqstan halqyna Joldaýynda aıtty, dep habarlaıdy QazAqparat.
«Jalpy, jańa oblystardyń qurylýy kópshiliktiń kókeıinde júrgen másele. Kezinde oblys mártebesinen aırylǵan óńirlerde turǵyndar sany azaıyp, turmys sapasy tómendep ketkeni jasyryn emes. Osy olqylyqtyń ornyn toltyratyn kez keldi. Ákimshilik-aýmaqtyq ózgerister memlekettik basqarý úderisin jeńildetedi. Jurtyń oblys ortalyǵyna barys-kelisin ońaılatady. Іshki kóshi-qon máselesin retteýge septigin tıgizedi. Jańa qurylatyn oblystardyń Abaı, Ulytaý, Jetisý dep atalýynda erekshe mán bar. Biz ulanǵaıyr jerimizdiń baıyrǵy ataýlaryn, uly tulǵalarymyzdyń esimin urpaq sanasynda jańǵyrta beremiz», - dedi Qasym-Jomart Toqaev.
