Ulandyq serjant kólik urlaýshyny ustady

ASTANA. KAZINFORM – Qazaqstan Respýblıkasy ІІM Ulttyq ulanynyń «Ortalyq» óńirlik qolbasshylyǵyna qarasty 5510 áskerı bóliminiń áskerı qyzmetshisi avtokólik urlaýshyny ustady. 

QR ІІM Ulttyq ulanynyń baspasóz qyzmetiniń málimetinshe, oqıǵa 1 qarasha kúni tańerteń Kókshetaý qalasyndaǵy úılerdiń biriniń aýlasynda bolǵan.

Qyzmetten keıin úıinde tynyǵyp jatqan kishi serjant Jeńis Ahmetovti tańǵy saǵat 5:00 shamasynda «Bireý bizdiń kóligimizdi otaldyrdy» dep áıeli oıatady. Aýlaǵa shyqqan Jeńis Ahmetov kóligin belgisiz adamnyń urlap jatqanyn kórip, birden sońynan júgiredi. 

Qaskúnem kórshi aýlaǵa burylyp, kólikti tastap, basqa kólikti minip ketpek bolady. Alaıda kishi serjant Ahmetov uryny qýyp jetip, ustap alady.

– Áıelim meni oıatqanda, birden aýlaǵa júgirip shyǵyp, bógde adamnyń kóligimmen ketip bara jatqanyn kórdim. Qýǵan kezde kólik qýysqa keptelip qaldy. Biraq ury onymen toqtamaı, basqa kólikti otaldyrýǵa tyrysty. Sol kezde men ony qýyp jetip, qolǵa túsirdim. Bul eshqandaı erlik emes, ádettegi jumysymyz, - deıdi qyraǵy serjant. 

Jeńis Ahmetov oqıǵa ornyna polıtsııa qyzmetkerlerin shaqyryp, olarǵa quqyq buzýshyny tapsyrady. Qazirgi ýaqytta atalǵan jaǵdaıdyń mán-jaıy naqtylanýda.