Ulanbatyrda túrki-mońǵol epostary salystyrylady

ULANBATYR. QazAqparat - «Janǵar zertteýi» ǵylym jáne ǵylymı-óndiristik birlestigi akademııasy Mońǵol ádebıeti jáne tili ınstıtýtymen birlesip, 21-23 qyrkúıekte «Álem halyqtarynyń eposy jáne Janǵar» halyqaralyq sımpozıýmyn uıymdastyrady, dep habarlaıdy «Montsame» aqparat agenttigi. 

Álemniń barlyq jyrshy-termeshileri halyqtardyń epostyq shyǵarmashylyǵyndaǵy ózekti máselelerdi sheshý joldary men perspektıvalaryn anyqtaý, jas zertteýshilerdi damytý jáne epostardy salystyrmaly zertteýdi keńeıtý, sondaı-aq «Janǵar» eposyn tereńinen zertteý maqsatynda Ulanbatyrda jınalmaq.
Sımpozıým barysynda qazirgi zaman epostary, epostyń saqtalýy, jyr oryndaýdyń qazirgi kúıi, epostyq shyǵarmashylyq, Mońǵolııa eposy jáne olardyń ózara qarym-qatynasy, kóshpendilik órkenıeti, etnos jáne epos, mońǵol jáne túrki eposynyń salystyrmaly zertteýi, epostardy aýdarý jáne taratý taqyryptary boıynsha talqylaýlar ótedi.
Sımpozıým aıasynda «Epostar kózi» jyrshylar festıvali men uzaqmerzimdi halyqaralyq jobasyn júzege asyrýdy talqylaý boıynsha «Janǵar eposy men ınnovatsııa» taqyrybynda sektsııalyq otyrys ótedi.