Ulanbatyrda Mońǵolııa Áskerı-áýe kúshteriniń qolbasshysy Zaısanovty eske aldy

ULANBATYR. QazAqparat - 7 mamyrda Otan qorǵaýshylar merekesi jáne Ekinshi dúnıejúzilik soǵystaǵy jeńis qarsańynda Mońǵolııadaǵy Qazaqstan elshiliginiń dıplomattary Mońǵolııanyń avıatsııa general-maıory, ulty qazaq Múdáris Zaısanovty eske aldy, dep habarlaıdy QazAqparattyń menshikti tilshisi.

Ataqty ushqyshtyń zıratyna Qazaqstannyń Mońǵolııadaǵy elshisi Qalybek Qobylandın, Mońǵolııanyń tanymal jazýshysy, qoǵam qaıratkeri Sultan Táýkeı, Mońǵolııanyń múftıi Batyrbek Qadys, «Jerlester» qazaq qoǵamynyń tóraǵasy Tileýhan Nájikeı, Mongolian Airlines kompanııasynyń ushqyshy, ekıpaj komandıri Áýez Tashtýan jáne basqa da qoǵam qaıratkerleri baryp taǵzym etti.

Múdáris Zaısanov (Hamze Erzinuly - burynǵy derekterde aty-jóni osylaı jazylyp kelgen)1910 jyly Shyǵys Qazaqstan oblysynyń Zaısan aýdanynda dúnıege kelgen. 1920-shy jyldary taǵdyr tálkegimen Mońǵolııaǵa qonys aýdarǵan. 1932 jyly Orynbordyń ushqyshtar ýchılışesin bitiredi. 1939 jyly japon basqynshylaryna qarsy kúresip, erlik kórsetedi.

1942 jyly M.Zaısanov Mońǵolııanyń áskerı áýe kúshteriniń qolbasshysy bolyp taǵaıyndalady. 1943-1944 jyldary Qytaıdyń Gomından áskerlerine qarsy shaıqasqa qatysady. 1944 sáýir aıynda M.Zaısanovqa avıatsııa general-maıory sheni berildi. Ol mońǵol jáne sovet ordenderi men medaldarymen marapattalǵan. 1967 jyly M.Zaısanov aýyr syrqattan kóz jumady. Ol Ulanbatyr qalasynda jerlengen.

Avtory Sadyq Ákıjanov