Ulanbatyrda «Kóshpendiler qysy 2019 - Búrkit meıramy» ótedi

ULANBATYR. QazAqparat - Mońǵolııanyń astanasy Ulanbatyr qalasynda aldaǵy naýryzdyń 3-4 kúnderi «Kóshpendiler qysy 2019 - Búrkit meıramy» is-sharasy «Shyńǵys qaǵan kesheni» týrıstik parkinde ótedi. Shara búrkitpen ań aýlaý salt-dástúrin jandandyrý, bolashaq urpaqqa muraǵa qaldyrý, otandyq jáne sheteldik saıahatshylarǵa osynaý bekzat ónerdi nasıhattaý maqsatynda uıymdastyrylmaq, dep habarlaıdy QazAqparat tilshisi.

«Bıylǵy búrkitshiler toıy saıys túrinde júredi. Іs-sharanyń basynda sharaǵa qatysýshy búrkitshiler ulttyq kıimderin kıip, búrkitterin qoldaryna qondyryp, atqa minip sap túzep saltanatpen ótýi de kózdelgen. Saıysty qortyndylaǵanda, qatysýshylardyń dástúrli ádet-ǵuryptardy saqtaýyna, kıim kııý sán-saltanaty men tutynǵan ásemdik buıymdaryna mán beriledi. Jáne eń sándi ulttyq kıim, at pen búrkit ábzálderiniń ásemdigine qaraı da baǵalanady» -dep habarlaıdy Ulaanbatyr qalasynyń Saıahat-týrızım basqarmasy.

Aıta keterligi, ıÝNESKO-nyń adamzattyń materıaldyq emes mádenı muralary tizimine Mońǵol elinen dástúrli atbasty qobyz saz aspaby, mońǵol halqynyń sozylmaly áýenderi, Mońǵol halyqtyq «Naadam» festıvali, monǵoldyń kómekeı óneri, búrkit toıy jáne qusbegilik, Mońǵoldyń dástúrli aǵash úı jasaý qolóner rásimderi, mońǵoldyń asyq atý oıyny sekildi jeti mádenı mura tirkelgen.

«Búrkitshiler toıy nemese qusbegilik» salt-dástúri ıÝNESKO-nyń bul tizimine 2010 jyly tirkeldi. Ortalyq Azııa kóshpendileriniń arasynda 6 myń jyl buryn qalyptasyp, búginge deıin sabaqtasyp jetken bul dástúr qazirgi tańda Mońǵolııada eń jaqsy saqtalǵan.

Avtory: Qýat Ýathan