Ulanbatyrda «Kóshpendi Mońǵolııa» festıvali ótedi
ASTANA. QazAqparat - Ulanbatyr qalasynda 11-15 tamyz aralyǵynda «Kóshpendi Mońǵolııa» atty festıval ótedi, dep habarlaıdy Anadoly agenttigi CA-NEWS-ke silteme jasap.
Sharany Mońǵolııanyń Bilim, ǵylym, mádenıet jáne sport mınıstrligi, astanalyq Mádenıet jáne óner basqarmasy, Ulan-Batyrdyń Dene shynyqtyrý jáne sport jónindegi basqarmasy uıymdastyryp otyr.
Festıvaldiń maqsaty - Mońǵolııa halqynyń ulttyq salt-dástúri men mádenı jádigerlerin dáriptep, elge tanytý. Oǵan Mońǵolııanyń túkpir-túkpirinen eki myńnan astam adam qatysady.
Shara baǵdarlamasyna alýan túrli básekeler engizilgen. Onyń ishinde ulttyq kúres jáne sadaqpen atýdan saıystar, sondaı-aq atjarystar ótetin bolady.
