Ulanbatyrda II Qazaqstan-Mońǵolııa bıznes-forýmy ótti
BEIJІŃ-ULAN-BATYR. QazAqparat - 2017 jylǵy 31 qazan - 1 qarasha kúnderi Ulan-Batyr qalasynda «Saýda mıssııasy - 2017» 2-shi Qazaqstan-Mońǵolııa bıznes-forýmy ótti, dep habarlaıdy «QazAqparat» HAA-nyń Qytaıdaǵy menshikti tilshisi.
Sharany Qazaqstan Respýblıkasynyń Mońǵolııadaǵy elshiliginiń qoldaýymen «KAZAKH INVEST» Ulttyq kompanııasy» AQ men Mońǵolııa Ulttyq saýda-ónerkásip palatasy uıymdastyrdy. Oǵan Qazaqstannyń 14 kompanııasynyń jáne 100-den astam mońǵol shaǵyn jáne orta bıznes sýbektileriniń ókilderi qatysty. 
Eki eldiń saýda-ekonomıkalyq jáne ınvestıtsııalyq yntymaqtastyǵyn damytý perspektıvalaryn talqylaý maqsatynda Qazaqstan kásipkerleri Mońǵolııanyń mınıstrlikteri men keńseleriniń basshylarymen, sondaı-aq áleýetti bıznes-seriktestermen kezdesýler uıymdastyrdy.
