Ýlan-Ýde qalasynda jabaıy sileýsin turǵyn úıge kirip ketken
ASTANA. QazAqparat - Rosgvardııa qyzmetkerleri Ýlan-Ýde qalasynda kóp qabatty turǵyn úıdiń aýlasynda júrgen jabaıy sileýsindi quryqtady, dep habarlaıdy QazAqparat RF Ulttyq gvardııasynyń Býrıatııa Respýblıkasy boıynsha basqarmasyna silteme jasap.
Oqys oqıǵa 27 jeltoqsan kúni keshkisin bolǵan. Jabaıy sileýsindi ıtin jetektep júrgen áıel baıqap qalady. Rosgvardııa qyzmetkerleri kelgen kezde bulardan úrikken jyrtqysh balkonnyń túbine tyǵylǵan.
Quqyq qorǵaýshylar janýar qashyp ketpeýi úshin aldymen aýlany qorshap aldy. Sońynan sileýsindi amaldap ustap, qapqa salǵan.
Endi janýarlar álemi nysandaryn saqtaý, baqylaý jáne paıdalanýdy retteý respýblıkalyq qyzmetiniń mamandary jabaıy jyrtqyshpen aınalysatyn bolady.
