Ulan sarbazy men polıtseıler órtengen kottedjden 15 adamdy alyp shyqty
NUR-SULTAN. QazAqparat – Ulandyq pen polıtsııa qyzmetkerleri otqa oranǵan kottedjden 15 adamdy alyp shyqty, dep habaarlaıdy QazAqparat QR Ulttyq ulanynyń baspasóz qyzmetine silteme jasap.
Áskerı qyzmetshi túngi kezekshilikten úıine qaıtyp bara jatqan jolda úsh qabatty kottejdiń tóbesinen qoıý tútindi baıqaıdy.
«22 sáýir saǵat 02.30 shamasynda Ulttyq ulan 6697 áskerı bólimi jedel maqsattaǵy batalonynyń áskerı jasaq bastyǵy kishi serjant Maqsat Borambaev qoǵamdyq tártip pen qaýipsizdikti kúzetý boıynsha qyzmetten keıin úıine bara jatqan. Altynsarın kóshesinde ulandyq býdaqtaǵan qara tútindi baıqaıdy»,- delingen habarlamada.
102 nómirine habarlap, áskerı qyzmetshi polıtsııa qyzmetkerlerimen birge úı turǵyndaryn evakýatsııalaýǵa kiristi.
- Bastapqyda men bireýler dalada ot jaǵyp otyr ma dep oıladym. Jaqyndaı kele tútin kottedjdiń dál shatyrynan shyǵyp jatqanyn kórdim. Oqıǵa ornynda polıtsııa qyzmetkerleri júr eken, olar úıdiń aýlasyna kire almaı turǵanyn baıqadym. Qol kúshin paıdalaný arqyly bireýin ishke kirgizdik. Ol qaqpanyń arǵy betinen bizge esikti ashty. Biz tez arada úıge kirdik. Onda 15 adam, onyń ishinde 2 jasar bala bar bolyp shyqty. Evakýatsııalaý kezinde úıdiń úshinshi qabaty tolyǵymen janyp jatty, onda eki adam es-tússiz jatqan. Biz olardy janyp jatqan úıden der kezinde alyp shyqtyq. Abyroı bolǵanda, eshkim zardap shekpedi. Órt sóndirýshiler kelgenshe biz tilsiz jaýdy óz kúshimizben sóndirgimiz keldi, alaıda jalyn ulǵaıyp ketkennen soń aýyzdyqtaı almadyq», - dedi ulandyq.
