Ulan sarbazy kóshede talyp qalǵan er adamdy qutqardy - Kókshetaý
KÓKShETAÝ. QazAqparat - Ulttyq ulan sarbazy Kókshetaýda densaýlyǵy syr berip, kóshede qulap qalǵan qala turǵynyna der kezinde kómektese aldy, dep habarlaıdy QazAqparat QR Ulttyq ulanynyń baspasóz qyzmetine silteme jasap.
Oqıǵa Kókshetaýda 28 sáýirde bolǵan. Qala kóshelerinde qoǵamdyq tártipti kúzetip kele jatqan áskerı jasaq baıaý qımyldap, artynsha jerge qulaǵan adamdy baıqap qalady.
Er azamattyń qasyna júgirip barǵan áskerı qyzmetshiler onyń es-tússiz jatqanyn kóredi jáne jedel járdem kóligin shaqyrady.
- Biz álgi azamattyń qasyna jaqyndaǵanda onyń aýzynan kóbik aǵyp jatty. Oılanbastan 103 nómirine habarlastyq ta, naýqasty qyrymen jatqyzyp, betine sý septik. Sodan keıin ol aqyryndap esin jınaı bastady. Sol keeeezde jedel járdem kóligi kelip úlgerdi, azamattyń densaýlyǵyn tekserip, ony emhanaǵa alyp ketti, - dedi áskerı jasaq bastyǵy kishi serjant Berik Nurtaev.
