Ulan sarbazdary kólik qaǵyp ketken boıjetkendi qutqaryp qaldy
Taldyqorǵanda 5514 áskerı bóliminiń sarbazdary jol-kólik oqıǵasynyń kýágeri bolyp, zardap shekkenderge birinshi bolyp kómek kórsetti. Bul týraly Ulttyq ulannyń baspasóz qyzmeti habarlady.
Oqıǵa 21 qazanda keshki ýaqytta Ormanov kóshesinde bolǵan. Chevrolet Aveo kóliginiń júrgizýshisi jaıaý júrginshini qaǵyp ketken.
Áskerı jasaq bastyǵy efreıtor Madııar Maqanov pen patrýlshi sarbazdar qatardaǵy Nurjigit Ádilhanuly, Aıdyn Erkinuly jáne Tasqyn Eleýsizov atalmysh oqıǵaǵa kýá boldy.
Ulandyqtar ýaqyt joǵaltpaı, birden kómekke kelgen. Áskerı jasaq bastyǵy dereý oqıǵa ornyna jedel járdem kóligi men polıtsııa qyzmetkerlerin shaqyrdy.
«Biz dereý zardap shekken azamatshaǵy alǵashqy medıtsınalyq kómek kórsete bastadyq. Jedel járdem kelgenge deıin boıjetken esin jıdy», - deıdi áskerı jasaq bastyǵy efreıtor Madııar Maqanov.
Ulandyqtardyń jedel jáne kásibı áreketteriniń arqasynda apattyń aýyr zardaptaryna jol berilmedi. Jedel járdem brıgadasy kelgende áskerıler azamatgany medıtsına qyzmetkerlerine tapsyrdy.
