«Ulan» gazetiniń bas redaktory Sultan Qalıuly qaıtys boldy
Sultan Qalıulynyń qaıtys bolýyna baılanysty QR Mádenıet jáne sport mınıstri Arystanbek Muhamedıuly jazýshynyń týǵan-týystary men jaqyndaryna kóńil aıtty.
«Qaı kezde de ádebıet pen óner kerýeniniń basynda bolyp, ult mádenıetiniń kóshin túzetýge atsalysqan adamdar bolady. Eńbek jolyn Jambyl aýdany orta mekteptiń muǵalimdiginen bastap, Qazaq radıosynyń mýzyka, balalar redaktsııalarynda aǵa redaktory, respýblıkalyq «Baldyrǵan» jýrnalynda jaýapty hatshy, «Ulan» gazetiniń bas redaktory bolyp qyzmet atqarǵan. «Synyqqa syltaý», «Óleńder», «Dúrbi», «Qasıetti taqııa», «Sálem saǵan, mektebim», «Kishkentaı astronomdar», «Temirteser», «Baqyt degen ne?», «Men mektepke baramyn», «Áıt, shý, tulparym» jáne t.b. kóptegen jınaqtary shyqty. Balalar poezııasy, satıra janrynda eńbek etken Sultan Qalıuly sondaı tulǵalardyń biri bolatyn. Sultan aǵamyz qazaq ádebıeti men ónerin damytý jolynda bar kúsh-qaıratyn sarp etti. Ulttyń rýhanı bolmysy men sanasyn tereń oıly shyǵarmalary arqyly qalyptastyra bildi. Qazaq ónerin respýblıka kóleminde ǵana emes, alys-jaqyn shetelderde keńinen nasıhattady. Tárbıesi men baı tájirıbesi ónegeli ómir jolynan anyq kórindi. Ol ómiriniń sońǵy mınýtyna deıin qazaq óneri men mádenıetiniń baǵyt-baǵdaryna janashyr bolyp ótti. Qaı kezde de alǵan bıigi men xalqy kórsetken qurmetke laıyq bolýdy maqsat etken jan edi. Sultan Qalıulynyń jarqyn beınesi barsha qazaqstandyqtardyń júreginde árdaıym saqtalady», - delingen mınıstrdiń kóńil aıtý hatynda.
Foto:vk.com/Sýltan KALIÝLY
