Ulan-Batyrda sadaq atýdan halyqaralyq týrnır ótti
NUR-SULTAN. QazAqparat – Sadaq atýdan І Halyqaralyq týrnır Mońǵolııa astanasy Ulan-Batyr qalasynda uıymdastyryldy, dep habarlaıdy QazAqparat tilshisi.
QR Ulttyq sport qaýymdastyǵy habarlaǵandaı, qyrkúıektiń 5-9 kúnderi ótken bul jarysta 27 memleketten alpysqa jýyq mergen baq synady.
Mergendik saıysynan Mońǵolııada uıymdastyrylǵan І Halyqaralyq týrnır «Azııa stıli», «Koreı stıli», «Eýropa stıli» jáne Mońǵolııa dástúrli sadaq atý stıli boıynsha ótti. Qarshadaı balasynan qajyrly qarııasyna deıin ulttyq sadaq atýdy ejelden mashyq qylatyn Monǵolııa eliniń mergenderi óz astanalarynda ótken І Halyqaralyq týrnırdiń júldeli oryndaryn talassyz ıelendi.Tipti, at ústinen sadaq atýdan álem chempıonatynyń birneshe dúrkin jeńimpazy, majarstandyq áıgili mergen Krıstof Arpattyń ózine bul týrnırde tórtinshi oryndy qanaǵat tutýǵa týra keldi.
Monǵolııa memleketi uıymdastyrǵan І Halyqaralyq týrnırge qatysýshy 27 memleket qatarynda AQSh, Saýd Arabııasy, Qytaı, Reseı, Germanııa, Kanada, Taıland, Aýstralııa, Fınlıandııa sııaqty dástúrli sadaq atý sporty damyǵan elder bar.
Bul jarysqa bizdiń elden halyqaralyq jarystardyń júldegeri, jýyrda at ústinen sadaq atýdan Ońtústik Koreıada ótken HV Álem chempıonatynda júldeger atanǵan surmergen Eldos Badashev qatysyp qaıtty.
Eske salyp óteıik, bıyl bizdiń dástúrli sadaq atýshy sportshylarymyz Majarstanda ótken Álem kýbogynda, Ońtústik Koreıada ótken Álem chempıonatynda, Túrkııada ótken dúnıejúzilik jarysta baq synady.
