Ulan-Batyrda konfessııaaralyq kelisim taqyrybyna arnalǵan is-shara ótti
ASTANA. 18 qarasha. QazAqparat. Ótken aptanyń sońynda Ulan-Batyr qalasynda «Qazaqstandaǵy konfessııaaralyq kelisimniń modeli» atty «dóńgelek ústel» ótkizildi.
Sharany Qazaqstannyń Monǵolııadaǵy Elshiligi Monǵolııadaǵy Qazaqstannyń Mádenıet ortalyǵymen birlese uıymdastyrdy. Qazaqstandaǵy etnıkaaralyq jáne konfessııaaralyq kelisimdi nasıhattaý maqsatyn kózdegen sharaǵa Monǵolııadaǵy dástúrli dinı konfessııalardyń, atap aıtqanda Monǵolııa Býddıster Ortalyǵynyń Hamba lamalary, Ulan-Batyrdaǵy Vatıkan Ókildiginiń ókili, Svıato-Troıtsk shirkeýiniń meńgerýshisi - Máskeýlik Patrıarhattyń dinı shetel qarym-qatynastary qyzmetkeri, Monǵolııadaǵy Musylman uıymdary qoǵamynyń ókilderi jáne atalmysh eldegi qyzmetterin atqarýdaǵy basqadaı qoǵamdyq, qaıyrymdylyq, dinı uıymdar men basqarmalardyń ókilderi qatysty.
«Dóńgelek ústeldiń» negizgi taqyryptary boıynsha Qazaqstandaǵy etnıkaaralyq jáne konfessııaaralyq kelisimniń halyqaralyq deńgeıdegi tájirıbesi men úlgisi, onyń qalyptasýy, jetistikteri, Álemdik jáne dástúrli dinder lıderleriniń sezderi jáne Qazaqstan halqy Assambleıasynyń jumysy týraly baıandama jasaldy.
Іs-sharaǵa qatysýshylar Qazaqstan Respýblıkasynyń bastamasy konfessııaaralyq kelisimge baǵyttalǵan Álemdik jáne dástúrli dinder lıderleriniń sezin árdaıym qoldap otyratynyn aıta kele, Qazaqstandyq konfessııaaralyq kelisimniń tájirıbesi men úlgisin negizdeı otyryp, Monǵolııada ózderiniń kelisim sharalaryn uıymdastyrý múmkindigi bar ekeni týraly kóptegen pikirlerin bildirdi.
Sondaı-aq, qatysýshylar Qazaqstannyń Monǵolııadaǵy Elshiligi ótken jyldan bastap osy taqyrypqa arnalǵan is-sharany ótkizýdi jalǵastyryp kele jatqanyn rızashylyqpen atap ótti.
Otyrys barysynda, 2009 jyly shildede Astanada ótken Álemdik jáne dástúrli dinder lıderleriniń III sezine Monǵolııadan qatysqan Gandantegchılen shirkeýiniń Da lamasy Bagsh Bıambajav Sezdiń álemdik deńgeıdegi mańyzdylyǵyna erekshe nazar aýdardy.
Sonymen birge, is-sharaǵa qatysýshylar Qazaqstan Respýblıkasynyń Prezıdenti N.Á.Nazarbaevtyń «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty 2010 jylǵy halyqqa Joldaýynyń negizgi qaǵıdalarymen tanystyryldy.
